![](https://www.academiadesusardu.org/wp-content/uploads/2021/01/lessicografus9-300x300.png)
(Biddanoa Franca, 1773 – Casteddu, 1836)
F
illu de Sisinni Porru, at studiau in Casteddu aundi at amostau luegus de essi bonu meda in is disciplinas umanìsticas e pruschetotu in latinu. Apustis at studiau filosofia e teologia bessendi-ndi predi in su 1796 perou chena de acabbai s’unversidadi. Apustis torrat a pigai is stùdius e sa circa in filologia mandendi ainnantis sa circa finsas a si morri.
Est famau meda po ai torrai balimentu a su sardu campidanesu cun sa circa linguìstica e difatis in su 1811 at imprentau sa Gramàtica de su sardu campidanesu cumentzendi a donai arrègulas prus craras a su sardu etotu. Apustis Porru fait imprentai faci a su 1832 su Nou dizionàriu universali sardu-italianu.
Max Leopold Wagner in su DES arremonat Porru torrendi-ndi merescimentu mannu po is circas linguìsticas suas.